Tuesday, 28 November 2017

Weekly reflection -2




                 കഴിഞ്ഞ ആഴ്ച വളരെ രസകരമായി ആണ് കടന്നു പോയത്. ആറു ലെസ്സൺ പ്ലാൻ എനിക്ക് തീർക്കാനായി സാധിച്ചു. അതുപോലെ തന്നെ എന്റെ ഓപ്ഷൻ ടീച്ചർ സിമി ടീച്ചർ ക്ലാസ്സ്‌  കാണാനായി വന്നിട്ടുണ്ടായിരുന്നു. ടീച്ചർ മുന്നത്തെ ക്ലാസ്സുകളെക്കാളും നന്നായി എടുത്തു എന്ന് പറഞ്ഞു, അതോടൊപ്പം തന്നെ കുറച്ചു കൂടി നന്നാക്കാമായിരുന്നു എന്നും പറഞ്ഞു. പിന്നീട് ഞങ്ങളുടെ ജനറൽ ടീച്ചർ സംഗീത മിസ്സും വന്നിട്ടുണ്ടായിരുന്നു.  ഞങ്ങളുടെ എല്ലാവരുടെയും ക്ലാസ്സ്‌ കണ്ടിട്ട്,  എല്ലാവർക്കും നല്ല പുരോഗമനം ഉണ്ടെന്നു പറഞ്ഞു.

                                  രസതന്ത്രത്തിലെ പൂരിതലായിനി അതിപൂരിതലായിനി, ലേയത്വത്തെ സ്വാധീനിക്കുന്ന ഘടകങ്ങൾ, ഏകാത്മക മിശ്രിതങ്ങൾ എന്നിവയും ഊർജ്ജതന്ത്രത്തിലെ ഗോളിയദർപ്പണത്തിൽ നിന്നുള്ള പ്രതിപതനം, ഫോക്കസും ഫോക്കസ് ദൂരവും, ഫോക്കസ് തലം -പ്രതിബിംബങ്ങൾ എന്നിവയും ആണ് പഠിപ്പിച്ചത്. നന്നായി ക്ലാസുകൾ ക്ലാസുകൾ എടുക്കാൻ കഴിഞ്ഞു എന്നുള്ള സംതൃപ്തിയോടെയാണ് കഴിഞ്ഞ ആഴ്ച കടന്നുപോയത്. 

Wednesday, 22 November 2017

weekly reflection -1

ആദ്യ ആഴ്ചയിൽ -13/11/2017 -17/11/2017

              2016-2018 അധ്യയന വർഷത്തെ ബി. എഡ് പരിശീലനത്തിന്റെ ഭാഗമായി കോളേജിലെ വിവിധ ഓപ്ഷനുകളിൽ നിന്ന് ഞാൻ ഉൾപ്പെടെ മൂന്ന് വിദ്യാർത്ഥിനികൾ 13/11/2017, തിങ്കളാഴ്ച NSS HSS പ്രാക്കുളം സ്കൂളിൽ എത്തിച്ചേരുകയും ഹെഡ്മിസ്ട്രസ് ജയ ടീച്ചറിനെ കണ്ട് രജിസ്റ്റർ നൽകുകയും ആവശ്യമായ നിർദ്ദേശങ്ങൾ വാങ്ങുകയും ഓപ്ഷൻ അധ്യാപികയെ സമീപിക്കുകയും ചെയ്തു.

                എനിക്ക് അധ്യാപനത്തിനായി കിട്ടിയത് ഏട്ടിലെ രസതന്ത്രവും ഊർജ്ജതന്ത്രവുമാണ്. കൂടാതെ അതികം ക്ലാസ്സുകളും കിട്ടി. എട്ടാം ക്ലാസ്സിലെ ലായനികളും പ്രതിപതനം ഗോളീയ ദർപ്പണങ്ങളിൽ തുടങ്ങിയ പാഠങ്ങൾ പാഠങ്ങളായിരുന്നു ഞാൻ എടുത്തു തുടങ്ങിയത്. ലീനം ലായകം, ഗോളിയ ദർപ്പണങ്ങൾ, ലായനിയുടെ ഗാഢത, ഗോളിയ ദർപ്പണങ്ങളിലെ സാങ്കേതിക പദങ്ങൾ എന്നീ പാഠഭാഗങ്ങൾ ആണ് പഠിപ്പിച്ചത് .വിവിധ പരീക്ഷണങ്ങളീലൂടെ ആണ് പഠിപ്പിച്ചത്. അതുകൊണ്ട് തന്നെ കുട്ടികളുടെ ശ്രദ്ധ ആകർഷിക്കാനായി കഴിഞ്ഞു.
   
                       
            നവംബർ 14 നു ശിശുദിനവും ആഘോഷിച്ചു. പ്രത്യേകം അസംബ്ലി അന്ന്  ഉണ്ടായിരുന്നു. വളരെ നല്ലൊരു ആഴ്ച ആയിരുന്നു കടന്നു പോയത്.