അധ്യാപനപരിശീലനത്തിലെ അവസാനത്തെ ആഴ്ച സന്തോഷവും സങ്കടവും നിറഞ്ഞതായിരുന്നു. കുട്ടികളുടെയും അധ്യാപകരുടെയും കൂടെ ഉണ്ടായിരുന്ന കുറെ ദിവസങ്ങളിൽ ഒരുപാട് വ്യത്യസ്ത അനുഭവങ്ങൾ ഞങ്ങൾക്ക് ലഭിച്ചു. അധ്യാപക വൃത്തി എന്നാൽ ക്ലാസ്സ് മുറിയിൽ മാത്രം ഒതുങ്ങുന്ന ഒന്നല്ല എന്നും ഞങ്ങൾക്ക് മനസിലായി. ഒരു നല്ല അധ്യാപിക കുട്ടിയേയും, വിഷയത്തെയും നന്നായി അറിയുകയും ഒപ്പം വിദ്യാലയത്തിന്റെ സർവോന്മുഖമായ ഉന്നതിക്കും വേണ്ടി പ്രവർത്തിക്കണമെന്നും ഇവിടെ നിന്നും മനസ്സിലായി. പരീക്ഷ മേൽനോട്ടത്തിനായി ലഭിച്ച അവസരം ഞങ്ങളുടെ മറ്റൊരു നേട്ടമാണ്. ഒരു അധ്യാപിക നേരിടേണ്ടി വരുന്ന വെല്ലുവിളികളും അവയെ തരണം ചെയ്യാനുള്ള ഉപായങ്ങളും എല്ലാം ഈ പരിശീലന കാലഘട്ടത്തിൽ ഞങ്ങൾക്ക് ലഭിച്ചു. സ്കൂൾ വാർഷികവും യാത്രയയപ്പു സമ്മേളനവും മറ്റും നല്ല കുറെ അനുഭവങ്ങളാണ് നൽകിയത്.
അധ്യാപന പരിശീലനത്തിന് ഈ സ്കൂളിലെ എല്ലാ അധ്യാപകരും അനധ്യാപകരും എച് എം ജയടീച്ചറും വളരെ ഏറെ സഹായിച്ചു.
No comments:
Post a Comment